GORBEIAKO ZAPOREAK ETA JAKINTZA, GASTEIZKO ABASTOS MERKATUAN SALGAI


Datozen maiatzaren 25ean eta 26an Gorbeia eskualdeko produktuak Gasteizko Abastos Merkatura helduko dira, euren produktoreen eta artisauen eskutik zuzenean.

Gorbeialdeko Kuadrillak jarri du martxan ekimena, Hazi Fundazioko NIREA proiektuaren eta Arabako Foru Aldundiaren laguntzarekin, gure produktuen ezaguera eta salmenta Arabako hiriburuan bultzatzeko asmoz. Horrela, ostiral arratsaldez eta larunbat goizez Plazako ganbaran (sukaldaritza gelaren ondoan) Gorbeia Txokoa egongo da.

Hor, euren baserrietako onena erakusten eta saltzen egongo dira, besteak beste, honako ekoizleak:

  • Goiuriko Basterra Anaiak eta Oletako Atxeta Gaztandegia (Idiazabal gazta)

  • Elosuko Maghú Eguzkiloreak (eguzkiloreak eta deribatuak)

  • Oletako Atxineta Baserria(ahabi-marmeladak eta zukuak)

  • Gopegiko Padura Baratza (fruta eta barazkiak)

  • Aramaioko Iturrieta Sagardotegia (sagardoa)

  • Murgiako Echebarria Okindegia (ogiak)

  • Izarrako Urtaran Okindegi eta Gozotegia

  • Orozkoko Urigoitiko Txorizoak

  • Urduñako Arantzazu Gozotegia (euskal pastela)

  • Urduñako Gure Ahaleginak Txakolina

  • Inosoko A tu vera Koadernaketa

  • Manurgako Lamia Biokosmetika.

Aldi berean, Gorbeialdeko Kuadrillak stand bat izango du informazio turistikoa emateko eta hainbat jarduera eskainiko ditu: Dastamenaren Laborategia Slow Food-en eskutik, produktuen dastaketak eta Gorbeiako delikatesekin egindako pintxo banaketak.

Gainera, hurbiltzen direnen artean txartelak bananduko dira opari-zozketetan parte hartzeko. Besteak beste, zozketatuko dira Gorbeiako produktuen sortak, ‘Gorbeiako Sagardoa’ eta ‘Artzain egun batez’ esperientziak, picnic-erako motxilak eta artisau-produktuak.

Informazio gehiago: Gorbeialdeko Kuadrilla

T_945 430 167 · www.gorbeialdekokuadrilla.eus

#GorbeiakoZaporeak

Buscar por tags

OROZKO 

Plaza Zubiaur 
946 122 695 
turismo@gorbeialdea.com 
 

MURGIA 

Plaza Bea-Murgia
945 430 440 
turismo@gorbeialdea.eus 

OTXANDIO 

Plaza Nagusia s/n
648 265 246
turismo@otxandio.eus 

(Abierta solo en verano)

  • Facebook Gorbeia
  • Twitter Gorbeia
euskadi largo 50 estrecho.jpg