Hilario nauzue 

eta Soloeta 

etxe honetan daukat 

lehen gogoeta 

Karlistadan hartuta 

gero eskopeta 

hemen txapel zuriak 

geneuzkan gordeta 

liberalak min bila 

zetozkigun eta 

​

Baltzolako etxe hau 

gure etxe goren 

Karlosen aldekoen 

Kuartela zen, lehen 

mila ta bat arrisku 

nik hartu nituen 

baina, gorri ta beltzak 

ikusi ondoren 

Ai jangoiko gorenak 

Salbatu ninduen 

​

Ni pobre jaio nintzen 

mendi barrenean 

baserri inguruan 

sarritan lanean 

baina, asko ikasita 

ta zorte onean 

Igorren san Antonio 

Ermita gainean 

etxe handi bat eraiki 

nuen azkenean