Zatoz milaka urteko elezaharren artean jarduerak egitera

 

Urki-basoen eta mendietako kareharrizko gailur malkartsuen arteko kontrasteak edertasun eta interes geografiko eta paisajistiko handiko lekua erakusten du.

 

Parkeko Interpretazio Zentroan (Toki Alai) informa zaitez mendiko bizikletarekin edo oinez egiteko moduko ibilbideez, kareharrizko mendilerroen eta haitzen, amildegien eta ibar sakonen artean.

 

Eskalada-zalea bazara, Gorbeian Astxiki eta Untzillatxeko horma malkartsuen deia sentituko duzu.

 

Parkean Anboto mendia nabarmentzen da, bertako tontorrik altuena. Euskal mitologiaren arabera, iparraldeko horma bertikal ikusgarrian Mariren kobazuloa dago, Anbotoko Damaren bizilekua, lurraren pertsonifikazioa eta euskal mitologiako jeinu guztien erregina.

 

Urkiolako santutegia bisitatu

 

Urkiolako mendatearen gainean izen bereko santutegia dago, Bizkaiko santutegi gurtuenetako eta zaharrenetako bat. Santutegiak, udaletxeak, ospitale zaharrak eta ostatuak osatzen dute multzoa, eta bi baseliza txiki ere badaude.

 

Deigarria egingo zaizu XIX. mendearen amaieran amaitu gabe geratutako nabeen eraikin handiaren eta aurretiaz zegoen elizaren kanpandorre txikiaren arteko desproportzioa.

 

Tenpluaren sarreran dagoen harkaitzari zenbait bertute egozten zaizkio: inguruan bira batzuk ematen dituenak bikotekidea aurkitzeko aukera izaten omen du (kontrako noranzkoan joz gero, bikotea galtzea eskatzen dela esaten dute). Horretarako, limosna, oharrak dituzten paperak, koloretako orratzak eta abar ere uzten dira.

 

Gerturatu, eta eskatu zure desioa.