Sarasola gaina dago Zeberio eta Artea arteko mugan. Bertatik igaroko zen Maurizia hainbatetan. 

Beti egiten omen zuen bidea panderoa jo eta koplak kantatzen, baina ez zen beti bidea alaia izango. 

Gerra Zibilean, tartean Benantzio frontean zela, Mauriziak, gerratik ihesi, etxekoak hartuta Arteatik Egiara bueltatuko zen, jarraian Bilbo aldera jo eta handik Santander aldera jarraitzeko. 

 

Gerra urruntzean Arteara bueltatu ziren. Baina ezin izan zuten hasieran etxean sartu. Galtzaileon ordaina zen hau, “gorri-separatistena”. Benantziok 3 urte igaro zituen kartzelan.  

 

Gerrak euskararen debekua ere ekarri zuen. Orduan funtsezko bihurtuko ziren etxeko sutondoko solasaldiak,  gure ohitura eta kopla zaharrak bizirik mantentzea lortu zutenak.